Sidaamu Dagoomu Qoqqowi Mootimma Rosu Biiro

  Ayirradu kalaa Beyene Barassa 2ki Pirezidaantenna Rosu Biiro Sooreessa       

                                   Sokka                                          

Rosu gobbuwannita lophote bikkanna ranke murate qooda fulanno jawa handaaraati. Kalqete afantanno gobbuwa xa iillite nooha lophote deerra iilla dandiitinohu rosu aana loossino loosinniiti. Jawaatturi jawaattinohu, badheeggurino badheegginohu rosoho tuggino illachi kaiminniiti.

Rosu ilama jawaatanna lifixa hattono heewisamaancho assatenni gobbuwate lopho rahisanno. Tenne kaima assatenni gobbuwa illachishshe loossanno loosi giddo mittunna jawu rosoho. Gobbanke Tophiyuno addi addi yannara roso woyyeessate addi addi sharro assitanni keeshshitino. Xa hee’noommo yannarano haaro rosu poolise fushshatenni xaa yanna kalqete ikkito ledo ha’rannoha rosu amuraate kalaqate faasho worte loossanni afantanno.

Sidaamu Dagoomu qoqqowi rosu biirono gobboomu soorro kaima assidhe, qoqqowoomunniha addi akata hedote giddo worte”Sidaamu Rosu Haaroonsha” yitannota qoqqowoomu pirogiraame uurrisidhe murantannokki jirote buichono kalaqate “Sidaamu Rosu haaroonshi Fande” seerunni uurrisidhe, baalante daga halammenni rosu qarra tirte ikkadonna heewisamaancho ilama kalaqatenni qoqqowu giddo dagoomitte soorro abbate lowo sharro assitanni leeltanno.

Rosu qarra safotenni hananfe tiratenni murantannokki sharronni rosu guffa baala hunne ikkadonnahee’noommo sanira ikkitanno ilama kalanqe Sidaamu qoqqowi daga lopho jawaachishate hananfoonni gaadira baalunku halammo yaanni aantanno yanna Sidaamu Dagara wara’iima ikkitanno gede halcho’ya xawiseemmo.

• See More

 

• See More