Rosate-Rosiisatenna Keenote Handaara

Rosate-rosiisatenna Keenote Handaari, xaphoomu rosi isilanchimma agarino garinni rosu uurrinshuwa ikkadimma agarsiisatenninna rosu mine woyyeessate pirogiraame loosu aana hosiisatenni rosate gumaamimmanna rosaanote akati woyyaanbe aana illachishe loosanno. Hattono rosaanote rosa ikkadimmanna rosu amuraate, loosu aana noo karikulame kaiminni keenatenna rosu xiinxallo assate looso massaganno. Qoleno, gaamaareeyyetenna dhaaddo ikkinokki rosi pirogiraamenni rosu kaayyo sa’e ba’inonsanna dhaaddote rosinni rosate injo hooggino qansooti rosunni qajeeltanno gede illachishe loosanno.

1 Rosu Mini Woyyaanbe  Dayrekitoreete

  • Loosu Kifile Qara Mixo
  • Xawonna guuta ikkino bikkaanchinni rosu minna  ikkito keenatenni, taje kaima assinonna hajo la’anno bissa beeqqaasine assino garinni rosu taashshaasinchimma buxisiisino rosu mini woyyaanbe mixo qixxeessatenni,loosu aana hosiisatenninna keenatenni rosaanote rosate gumanna amanyoote woyyeessate.
  • Gaamaareeyyetenna dhaaddo ikkinokki rosi hexxo, dirinsa 15  nna ale ikkinonsa wedellranna gaamaareeyyera safote gaamaareeyyete roso shiqishatenni nabbawa, borreessanna shalaga dandiitanno gede assatenna, hattono dhaaddo ikkinokki rosu doorsha horoonsi’ne qansotaho shiqishatenni rosu kaayyo afidhinokki qaaqquulliranna wedellira roso shiqishatenni qansootu egennotenni, dandootenninna laotenni ikkaddanna dhaabbatta ikkite yannite tekinoolooje ho’roonsidhe heeshshonsa woyyeessidhanno gede assatenni gobboomunnita safonnita rosu kiiro naggi assate.

5. Xaphoomu  rosi  ha’runsonna  rosu  minna ikkadimma  buuxo  dayrektoreete

Xaphoomu hexxo

Dayrekitoreetenniti  qara hexxo  qansootu  deerru  rosira  guuta  ikkitino rosi minna  giddo  rosse uminsara  ikkadda  ikkitanno  gede  rosu minna ikkadimma  buuxatenna  rosu  isilanchimma  ha’runse  irkisate

Rosa-Rosiisanna Keenote Handaara                                    

2 Gaamaareessunna Dhaaddiweelo Rosu Shiqo Dayrekitoreete

Gaamaareessunna dhaaddiweelo rosi dirinsa 15nna hakkunni aleenni ikkitino wedellinna jajjabbu safonnita gamaareeyyete roso rosatenni nabbawa, borreessa, shalaga dandiitanno gede assanna qansootu dhaaddote rosi kaayyo afi’ra hoogansa kaiminni insara dhaaddiweelo roso mittu doorshi gede horoonsi’ratenni qansootu egennotenni, dandootenninna tiiunni gikki yitinorenna haaro tekinoloje horoonsi’ratenni heeshshonsa woyyeessidhanno gede dandiissatenni gobbanketa safonnita rosu deerra lossate.

4 Fonqolu qixxaawo, murrisa, rosu keenonna xiinxallo assooti-llachishshu dayrekitoreete

Fonqolu qixxaawo murrisa rosu keenonna xiinxallote dayrekitoreete qara qara loossa

  • Saino diro mixo gumulsha keenatenni aane noo diri mixo qixxeessanna hajo la’annonsa bissara shiqisha,
  • 2015 M.D bajetete diro gumu illachishshi mixo qixxeesse shiqisha,
  • Bajetetenna mixote gumulsha, horoonshanna gumaamimma lossa,
  • 12 kifile fonqoli gumi dirre ba”asi ledo amadaminohunni fonqolu qixxaawonna gashshate ledo xaadannohu aana xiinxallo assa,
  • Fonqolu qixxaawonna murrisa, rosu keeno xiinxallo qoqqowu giddo noo qooxeessinna qoqqowu gobbaanni daaete fulle gadete soorro assatenni dancha rosicho bade halashsha,
  • Fonqolamaanote maareekkaanchonna isi ledo amadantino tajaja horoonshanna maareekka lainohunni zonetenna woraddate ogeeyyera qajeelsha gumulsinanni maniwaale qixxaabbanno gede assatenni qajeelsha aa,
  • Fulcho fonqolu qixxaawo aana ispesifikeshinete garinni xa’mote qixxeessate aana fonqolo murrisatenna rosu keeno aana murrootaho hattono suppervayzerootaho hedo kalaqi’rate qajeelsha aa,
  • Gobboomu fonqolo gumulsitanno mereershu sooreeyye, suppervayzerootunna fonqolaanote gaamooshshe qixxeessatenni hasiishshu garinni gaama;
  • Haaro afamishsha uynoonni 12 kifile fonqolsiissanno rosu minna taje qineessatenni gobboomu fonqolu egensera saysa;
  • Baalunku woradinna quchumu gashshooti rosu borro minna giddo borreessantino taje gamba assatenni mittu mittunku rosi mini umi dirimi qoqqowu deeriha gumulote fonqolo loosa;
  • Aliidi deerri rosira eote fonqolo gobboomunniha la”annohunni gumulsiisate bortaje qixxeessatenni millimillote amaale gambooshshe assa;
  • Gobboomunniha aliidi deerri rosira eote fonqoloira gashshootaame irko assate qeecha woraddatenna guchumu gashshootira aa;
  • 2015 M.D 12 kifile fonqolsiissanno haaronna galo rosi minnanna fonqolamaanote hedote kiiro taje woraddatenninna quchumu gashshootinni gamba asse qineessatenni gobboomu deerri Rosunna Keenote Eensera reqecci assa;
  • Bocu-boci mixote ha’rinsho rippoorte silanchu garinni qixxeesse shiqisha; 
  • 8 kifileha rosu taje wirro adhitannorira  owaante aa;
  • Rosu taje buuxa (Authenticate)
  • Gobboomunna 8 kifileha qoqqowu fonqolo fixxatenna gumu aana loonsoonni loossanna afi’ro tajja gamba assatenni tantananna qineessatenni qrophotenni amade loosu aana hosiisa;
  • Loosu ha’rinshonni mixi’noonninna xiinxallinoonni loossa aana irko, ha’runsonna gumulate keeno assa;
  • Loosu ha’rinshonni loosantino irkote, keenote hattono ha’runsotenna gumulate keeno gumi aana zoonetena woraddate amaalete bare qixxeessatenni borrotenni taashshi’ri-tumo qola;
  • Lamalate mixonna rippoorte shiqishsha murmurantukkinni ha’risa;
  • Loosu ha’rinsho assootubba gumlaanchimma woyyeessate mixi’ne loonsoonnihu danchu amanyooti loossa mixo, hawaawanna rippoorte;